![Millivegurinn show](https://d3dthqtvwic6y7.cloudfront.net/podcast-covers/000/087/323/medium/millivegurinn.jpg)
Millivegurinn
Summary: Podcast by Millivegurinn
- Visit Website
- RSS
- Artist: Millivegurinn
- Copyright: All rights reserved
Podcasts:
Dr. Hafrún Kristjáns talaði við okkur um verkfæri sem hún notast við með okkar besta íþróttafólki, hvað einkennir góða liðsheild, ofnotkun Íslendinga á þunlgnyndislyfjum, höfuðhögg, börn í íþróttum og hvernig við tæklum svokallaðar hugsanavillur, sem geta haft veruleg áhrif á hvernig þér líður.
„Á ég samt ekki að afreka einhverja snilld áður en eg kem... hlaupa maraþon eða einhvað?“ Sagði Jón Jónsson okkur þegar við spurðum hann hvort hann væri ekki til í að koma í spjall til okkar. Þessi lífsglaði einstaklingur talaði meðal annars við okkur um þætti sem ber að hafa í huga til að líða vel í lífinu, mikilvægi þess að sinna fjölskyldunni, fjármálalæsi, fótboltaferilinn og að sjálfsögðu tónlistarferilinn.
Bergur Ebbi er grínisti, lögfræðingur, rithöfundur og tónlistarmaður. Það var mjög gaman að spjalla við þennan mikla hugsuð meðal annars um framtíðina, nýja sýn á heimsendi, samfélagsmiðla, sýndarveruleika, peninga, mið ísland og mikilvægi þess að rækta vináttu.
Síðan Ingó Veðurguð gaf út Bahama hefur hann gengið í gegnum margt. Hann talaði meðal annars um afhverju hann hætti að drekka, fjárhættuspil, álit annarra, brekkusönginn og hjálparstarf í Úganda.
Gummi Ben sleit krossband fimm sinnum en alltaf hélt hann áfram. Við spjölluðum meðal annars um ástríðuna og hugafarið sem hefur komið honum í gegnum lífið, þann mikilvæga eiginleika að ná því besta úr fólkinu í kringum sig, einkenni íslendinga sem skara fram úr og hvernig það var að skrifa bók nánast einungis á síma.
Það var rosalega gaman að spjalla við Ólaf Darra. Þessi auðmjúki maður talaði um hvað allt breyttist þegar hann ákvað að taka ábyrgð á sjálfum sér þegar hann var rekinn úr þjóðleikhúsinu á sínum tíma. Í dag er hann okkar fremsti leikari. Við spjölluðum auk þess um upplifunina að leika í Hollywood, uppeldi barna, samfélagsmiðla, dugnað, tilfinningar, andlega heilsu og margt fleira.
Hættu að væla og farðu að kæla. Andri var þunglyndur og kvíðinn í mörg ár. Hann drakk ofan í andlegu veikindin til að deifa sársauka og fresta tilfinningum. Um svipað leiti og hann vildi "klukka" sig út úr lífinu fann hann líflínu í kulda og hreyfingu. Andri talaði um sína einstöku sögu og um allt sem tengist kulda og öndun. Síðast en ekki síst talaði hann um ýmis atriði í tengslum við andlega þáttinn eins og fórnarlambshugsun, trú og fyrirgefningu.
Áttum ótrúlega skemmtilegt og mikilvægt spjall við Aron Mola m.a. um andlega heilsu, leiklistina og tilfinningar. Einnig hægt að horfa og hlusta á youtube
Sverrir Þór Sverrisson betur þekktur sem Sveppi.
Arnór Sigurðsson spilaði í pepsi deildinni árið 2016. Tveimur árum seinna, 2018 skoraði hann og lagði upp á móti Real Madrid í meistaradeildinni. Þessi auðmjúki einstaklingur sagði okkur talaði um mikilvægi þess að setja sér markmið, hafa trú á sjálfum sér, hafa félagslegan stuðning, njóta augnabliksins og að vera góður einstaklingur þó manni gangi vel í lífinu. NOW afsláttarkóði (25%): MILLIVEGURINN.
Arnar Pétursson er okkar fremsti hlaupari. Hann hefur 24 sinnum orðið Íslandsmeistari í hlaupagreinum, 3 sinnum unnið Reykjavíkurmaraþonið og var valinn götuhlaupari ársins 2018 af Frjálsíþróttasambandi Íslands. Arnar ræddi meðal annars um hugarfar íþróttamannsins, hvernig hann æfir og afhverju hann gerir það sem hann gerir.
Áslaug Arna er ritari sjálfstæðisflokksins og okkar yngsti núverandi alþingisþingmaður.
Þessi kóngur var að gefa út nýja plötu sem er gjörsamlega geggjuð. Herra Hnetusmjör kom í rosalegt spjall í milliveginn. "Ég væri örugglega dáinn ef ég hefði ekki farið í meðferð" sagði hann þegar við töluðum um ruglið 2016 og hvernig edrúmennskan hefur gefið honum nýtt og betra líf. Hann talar um mikilvægi þess að hafa trú á sjálfum sér, peninga, kakó-hugleiðslu og margt margt fleira.
Fáránlega gaman að tala við Þúsunþjalasmiðinn Dóra DNA. Við spjölluðum meðal annars um grín, málfrelsi, lífstílsbreytingar, stóra Nova málið, ketó og veganisma!
Ótrúlega gaman að fá að grugga í hausnum á svona mögnuðum einstaklingi. Við spjölluðum meðal annars um mótlæti, tilgang lífsins, andlega þáttinn, morgunrútínu, og að sjálfsögðu Crossfit. Katrín Tanja, tvisar sinnum hraustasta kona í heimi, gjörið svo vel.