Summary: <p>Lees: Eks 13: 17-22.<br>Fokus: Eks 13: 21-22.</p> <p><strong>God se plek van seëning!</strong></p> <ul> <li>God het die wolk- en vuurkolom gebruik om Israel te lei na sy voorbestemde destinasie van seëning.</li> <li>Israel se eerste plek van seëning was by die Rietsee: Daar is die farao en sy hele leërmag finaal oorwin sonder dat die Israeliete enigsins hoef te geveg het.</li> <li>Israel het begryp dat hulle seëning verband gehou het met die regte plek.</li> <li>Ons het as gelowiges die Gees van die waarheid wat ons in God se hele waarheid lei vir ons lewens, ons ook lei na God se voorbestemde plek van seëning.</li> <li>As jy die tekens miskyk, of dit ‘n wolk- of vuurkolom is, of selfs net ‘n ongemaklike gevoel binne-in jou, kan jy op ‘n slegte plek vasgevang word.</li> <li>God se seën sal kom wanneer jy is waar jy veronderstel is om te wees: fisiek, emosioneel, verstandelik en geestelik.</li> </ul> <p><strong>Vir nadenke en gesprek by selgroepe en huisgodsdiens:</strong></p> <ul> <li>Hoekom het God Israel op ‘n ompad deur die woestyn na die Rietsee gelei?</li> <li>Speel die fisiese plek waar ek myself bevind ‘n rol om God se volle seëning te ontvang?</li> <li>Gee ‘n paar riglyne hoe die Heilige Gees ons lei na God se voorbestemde plek van seëning.</li> </ul>
