Summary: <p>Lees: Gen 2:25 – 3:10.<br> Fokus: Gen 3:7.</p> <p><strong>Skaamte dryf ons om sondes vir God te probeer wegsteek.</strong></p> <p>1. Oorsprong van skaamte.</p> <ul> <li>Voor sondeval was daar geen skaamte (Gen 2:25). Na die sondeval was die eerste reaksie by die mens skaamte en vrees (Gen 3:10).</li> <li>Adam en Eva se gewetensoë het oop gegaan nadat hulle gesondig het en skuldig gestaan het.</li> <li>Sonde is die oorsprong van skaamte – sonde wat jyself doen asook sondige dade wat ander teenoor jou doen.</li> </ul> <p>2. Gevolge van skaamte.</p> <ul> <li>Adam en Eva het hulle skaamte probeer bedek deur klere van vyeblare te maak en vir God te probeer wegkruip.</li> <li>Alle maniere wat ons gebruik om ons skaamte mee te bedek is tevergeefs en nietig soos klere van vyeblare.</li> <li>As jy vanweë sonde soos ‘n hopelose mislukking voel, bely dit eerlik voor die Here en aanvaar die vergifnis in Christus(1 Joh 1:9).</li> <li>Bid dat die Heilige Gees deur die Woord jou geloofsoë sal oopmaak sodat jy jouself sal sien soos God na jou kyk in Christus. </li> </ul> <p><strong>Vir nadenke en gesprek by selgroepe en huisgodsdiens:</strong></p> <ul> <li>Wat is die verskil tussen skuldgevoelens en skaamte?</li> <li>Wat beteken dit dat Adam en Eva se oë na die sondeval oopgegaan het?</li> <li>Noem maniere waardeur skaamte op mense geplaas word?</li> <li>Wat is gewoonlik die reaksie as mense skaamte ervaar?</li> <li>Watter maniere gebruik ons vandag om ons skaamte mee te bedek?</li> <li>Hoe maak Christus ons vry van skaamte?</li> </ul>
